19-maktabda So'nggi qo'ng'iroq tadbiri

Toshkent viloyati Toshkent tumani XTB ga ga qarashli 19-umumiy o'rta ta'lim
maktabida "Mening maktabim, mening uyim" shiori ostida birinchi, to'qqizinchi va 11-sinf o'quvchilari ishtirokida so'nggi qo'ng'iroq tadbiri bo'lib o'tdi. Tadbirga maktabning barcha o'qituvchilari, ota-onalar hamda Toshken tumani hokimi Akbar Asqarovich Sulaymonov tashrif buyurishdi. Maktab direktori N.A.Qayumova so'zga chiqib bayram bilan barcha bitiruvchilarni tabriklab tadbirni ochib berdi. Shundan so'ng, birin-ketin bitiruvchilar sahnaga chiqib, kuy qo'shiq, raqs va ustozlarga atalgan she'rlar aytib hammani hushnud qilishdi. 9 va 1 sinf o'quvchilari ham oʻz navbatida chiqish qilib bayram bilan tabriklashdi. Tadbir so'ngida tumani hokimi Akbar Asqarovich Sulaymonov so'zga chiqib barcha bitiruvchilarni taʼlimning keyingi bosqichini boshlab katta hayotga qadam qoʻyayotgan yosh avlodni tabriklab ularga tantanali tarzda tashakkur izhor qildi. Maktabda namunali hulqi bilan birga a'lo baholarga oʻqigan bitiruvchilar, ularning ota-onalari va tarbiya bergan ustozlariga faxriy yorliq va tashakkurnomalar berdi.

1 миллион доллар ютиб олиш учун нима қилиш керак?

Ўқитувчилар диққатига:

1 миллион доллар ютиб олиш учун нима қилиш керак?

2019 йилги “Global Teacher Prize” халқаро мукофоти Кениянинг чекка бир қишлоғидаги мактаб ўқитувчисига насиб қилди. Нима учун ўзбекистонлик ўқитувчилар шундай мукофотни қўлга киритмайди? Ўзбекистонда ҳам шундай мукофотга лойиқ, аммо халқаро танловда қандай иштирок этишни билмайдиган ўқитувчилар борлигига ишонамиз. Қуйидаги маълумотлар уларга асқотади.

1

Мукофотни олиш учун нима қилиш керак?

Агар сиз:

• хоҳ тўлиқ, хоҳ ўриндошлик асосида ёки онлайн шаклда дарс берасизми, бундан қатъи назар, мактабгача таълим муассасасида (4 ёш ва ундан катталарга) ва мактабларда (18 ёшгача бўлганларга) дарс берсангиз;
• ҳафтасига камида 10 соат ўқувчилар билан юзма-юз бўлсангиз;
• келгусида камида 5 йил таълим бериш режангиз бўлса, мукофотга ариза топширишингиз мумкин.

Мукофот дунёнинг исталган давлатидаги мактаб ўқитувчиларига берилиши мумкин.

2

Ўқитувчилар қандай мезонларга кўра баҳоланади?

• Таълим беришда бутун дунё миқёсида татбиқ қилиш мумкин бўлган методлар, усулларни қўллаётгани;
• Муайян давлат, жамият ёки мактабда таълим беришдаги маълум камчиликларни тузатувчи инноватив амалиётни жорий қила олиши;
• Ўқувчилари кўзга кўринарли натижаларга эришгани;
• Таълим беришда нафақат мактаб, балки жамиятда ҳам намуна бўла оладиган педагогик таъсирга эга бўлиши;
• Ўқувчиларни келажакка – турли миллат, маданият ва динлар қоришиқ яшайдиган жамиятларга мослашган қадриятларга эга қилиб тарбиялаш;
• Ўзи яшаётган давлат ҳукумати, миллий таълим ташкилотлари, ҳамкасблари эътирофига сазовор бўлганлиги.

3

Танловга ариза қандай топширилади?

Аризалар фақат онлайн шаклда топширилади. Офлайн шаклдаги аризалар қабул қилинмайди.

4

Аризалар қайси тилда ёзилади?

Инглиз, француз, испан, араб, португал, рус ва хитой.

5

Иш тажрибаси неча йиллик бўлиши лозим?

Номзодларда аниқ бир муддат иш тажрибасига эга бўлиш талаб қилинмайди.

6

Танлов қандай амалга оширилади?

Танлов уч босқичда амалга оширилади. Дастлаб юборилган аризалар орасидан 50 нафар номзод сараланади, сўнгра уларнинг орасидан 10 нафар финалчи аниқланади. Охирида ўша 10 нафар финалчи ичидан ғолиб саралаб олинади. Номзодларнинг 50 кишилк рўйхатига кирмаган номзодларга хабарнома юборилмайди. Саралашдан ўтганларга ҳар бир босқичда хабарнома юбориб турилади.

7

Мукофот пули қандай шаклда олинади?

Мукофот пули 1 миллион АҚШ доллари қийматида бўлиб, 10 йилда тенг миқдорда бўлиб-бўлиб тўланади.

8

Шу пайтгача кимлар ғолиб бўлган?

2019 йили Петер Табичи (Кения); 2018 йили Андриа Зафираки (Англия); 2017 йили Магие Макдоннел (Канада); 2016 йили Ҳаннан ал-Ҳруб (Фаластин); 2015 йили Нансие Атвел (АҚШ).

СССР таркибида бўлган давлатлардан грузиялик ўқитувчи 2019 йили, Марказий Осиё давлатларидан афғонистонлик ўқитувчи 2015 йилда танловнинг финалчиси бўлишган.

Республика фан олимпиадаларига оид Президент қарори қабул қилинди

Республика фан олимпиадаларига оид Президент қарори қабул қилинди

Шавкат Мирзиёев «Иқтидорли ёшларни аниқлаш ва юқори малакали кадрлар тайёрлашнинг узлуксиз тизимини ташкил этиш чора-тадбирлари тўғрисида»ги қарорга имзо чекди. Унга кўра:

👉 Халқ таълими вазирлигида 14 та штат бирлигидан иборат Фан олимпиадалари бўйича иқтидорли ўқувчилар билан ишлаш департаменти ташкил этилади;

👉 эндиликда фақат халқаро олимпиадалар ғолиблари ОТМларга тест синовисиз ва қўшимча имтиҳонсиз қабул қилинади. Айнан бундай имтиёз берадиган халқаро олимпиадалар рўйхати тасдиқланди;

👉 республика миқёсида ўтказиладиган асосий фан олимпиадалари ғолибларини имтиҳонсиз ОТМга қабул қилиш тизими бекор қилинади. Эндиликда асосий олимпиадаларнинг республика босқичида 1-3 ўринларни эгаллаган иштирокчиларга ихтисослик фани бўйича ОТМларга кириш имтиҳонларида максимал балл олиш ҳуқуқини берувчи ва уч йил муддат давомида амал қилувчи сертификат тақдим қилинади;

👉 халқаро олимпиадалар ғолиблари ва уларнинг ўқитувчилари энг кам ойлик иш ҳақининг қуйидаги миқдорларида бир марталик пул мукофотлари билан тақдирланади:

1-ўрин (олтин медаль) учун – 500, ўқитувчисига –450 баравари;
2-ўрин (кумуш медаль) учун – 300, ўқитувчисига –250 баравари;
3-ўрин (бронза медаль) учун – 200, ўқитувчисига –150 баравари;

👉 асосий олимпиадалар республика босқичи ғолибларининг ўқитувчилари энг кам ойлик иш ҳақининг қуйидаги миқдорларида бир марталик пул мукофотлари билан тақдирланади:

1-ўрин учун – 50 баравари;
2-ўрин учун – 35 баравари;
3-ўрин учун – 30 баравари;

👉 халқаро олимпиадалар ғолибларини тайёрлаган ўқитувчилар ва таълим муассасаси директорларига навбатдаги ўқув йили учун директор жамғармасидан олтин, кумуш ва бронза медаллари бўйича тегишинча қўшимча 200, 175 ва 150 фоизлик устама тўланади;

👉 таълим муассасаларида ўқитувчи бўлиб фаолият юритаётган:

халқаро олимпиадалар ғолиблари лавозим маошига ҳар ой 150 фоиз;
асосий олимпиадалар республика босқичи ғолиблари лавозим маошига ҳар ой 100 фоизлик устама ҳақи тўланади;

👉 олий таълим муассасасини тамомлаган олимпиада ғолиблари «Эл-юрт умиди» жамғармаси томонидан шакллантириладиган истиқболли мутахассислар захирасига киритилади;

👉 2019/2020 ўқув йилидан бошлаб умумий ўрта таълим мактабларининг 4-11 синф, академик лицей ва касб-ҳунар коллежлари ўқувчилари учун ҳар чоракда онлайн тарзда олимпиадалар ташкил қилиш орқали иқтидорли ўқувчилар захирасини шакллантирилади;

👉 ўқувчи ёшларнинг халқаро олимпиадалардаги иштирокини таъминлаш билан боғлиқ, шу жумладан, суткалик, яшаш ва транспорт харажатлари Ўзбекистон ёшлар иттифоқининг Ривожлантириш жамғармаси маблағлари ҳисобидан қопланади;

👉 олимпиадаларнинг вилоят ва республика босқичи нодавлат нотижорат ташкилотлари ҳамда ОАВ вакиллари иштирокида ўтказилиб, Халқ таълими вазирлиги веб-сайти орқали онлайн тарзда тўғридан-тўғри намойиш этилади;

👉 олимпиадалар очиқ ва шаффоф тарзда ўтказилиши, натижалари улар ўтказилган куннинг ўзида эълон қилинади;

👉 барча босқичдаги олимпиада натижалари, шу жумладан, иштирокчилар тўғрисида маълумот, уларнинг ёзма ишлари тўлиқ ахборот тизимига киритилиши ва ХТВ веб-сайтида эълон қилинади.

Ажойиб, жуда ажойиб! Изоҳга ҳожат йўқ!

@xushnudbek
✅ https://t.me/joinchat/AAAAAEIJCsWRXq

Бешта ташаббус нима?

Президентимиз Шавкат Миромонович Мирзиёев ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббусни илгари сурган.

Улар қуйидагиларни қамраб олади:
 Биринчи ташаббус ёшларнинг мусиқа, рассомлик, адабиёт, театр ва санъатнинг бошқа турларига қизиқишларини оширишга, истеъдодини юзага чиқаришга хизмат қилади.

 Иккинчи ташаббус ёшларни жисмоний чиниқтириш, уларнинг спорт соҳасида қобилиятини намоён қилишлари учун зарур шароитлар яратишга йўналтирилган.

 Учинчи ташаббус аҳоли ва ёшлар ўртасида компьютер технологиялари ва интернетдан самарали фойдаланишни ташкил этишга қаратилган.

 Тўртинчи ташаббус ёшлар маънавиятини юксалтириш, улар ўртасида китобхонликни кенг тарғиб қилиш бўйича тизимли ишларни ташкил этишга йўналтирилган.

 Бешинчи ташаббус хотин-қизларни иш билан таъминлаш масалаларини назарда тутади.